AAJ FIR SE

aaj fir se kavita likhne ko mann aaya h

aaj fir se koi is mann ko bhaya h
koi is chanchal kshitij par fir se chaya h

aaj fir se kavita likhne ko mann aaya h

fir se suraj ki lalima ne mann ko damkaya h
fir se chander ki sheetal chandni ka dhyan aaya h

aaj fir se kavita likhne ko mann aaya h

aaj fir se oos ki bundon ne phulon ko chamkaya h
fir se chote chote nange paanvon ne ghas ko sehlaya h

aaj fir se kavita likhne ko mann aaya h

fir se kisi anaath par maa ki mamta ka saaya aaya h
jaise kisi sookhi jameen ke upar koi kala badal ghir aaya h

aaj fir se kavita likhne ko mann aaya h

fir se koi bhoola bhatka ghar aaya h
fir se kisi ne god mein lita mera sir sehlaya h

aaj fir se kavita likhne ko mann aaya h

aaj fir se koi panchi pinjra tod bahar aaya h
aaj fir se kavita likhne ko mann aaya h


                                                      JITENDER KUMAR 'GAGAN'

ISHQ

HUM ISHQ NAHI KIYA KARTE BE-GARTOON SE
KYONKI YE DIL TUTA HUA HAI UNKE DHOKHON SE
ISHQ NAHI KIYA JAATA BE-JUBAN PATHHRON SE
ISHQ KIYA JAATA H INME BASNE WALE LOGON SE

BE-JUBAN NA KAHO IN PATHHRON KO
INME CHHUPI KAYI KAHANIYAN HAIN
JITNA TUM DEKH SAKTE HO DOST
USSE PARE BHI KAYI JINDGANIYAN H

                                      
                                 JITENDER KUMAR 'GAGAN'

MAHANAGAR KI BUS

meri dincharya ka hissa h
mahanagar ki bus ka kissa h
door se udti dhool ne kiya
bus ke aane ka sanket
main bhi ho gaya sachet
bus aayi
aate hi ruk gayi
baayin or jhuk gayi
kyonki pratyek bus mein
baayin or aarkshit seaten hoti h
jo bhari wajan dhoti hain
us bus mein bhi seaten thi
seaton par savari thi
or savari ek se ek bhari thi

khair-
jaise-taise sabhi yatri chadh gaye
kuch bheed mein aage badh gaye
kuch gate par hi ad gaye
par apna to roj ka aana-jana tha
conductor se yarana tha
so main to conductor seat par baith gaya
par mere baithte hi
ek muchhon wala aadmi
conductor se ainth gaya
bola- kyon be...
ye kya tera rishtedaar h
ya beemar ya chalne firne se lachar h
jo tune ise apni seat par baitha dia
or main baitha tha ,to mujhe
'staff seat' kehkar utha dia
to conductor ne kaha - hojoor
aapki tarah or bhi to khade hain
par aap hain ki vipaksh ki tarah
meri hi seat ke picche pade hain
is tarah dono mein jang ho gayi
bus ki shanti bhang ho gayi

tabhi bus mein baj uthe gaane
bade miya diwane aise na bano
hasina kya chahe hamse hi suno
or is gaane ka hua aisa asar
ki meri agli seat par baitha bashar
apne pass khadi
yuvti ki muskurahat mein kho gaya
use bithane ke lie
khud khada ho gaya
or uski or dekh mand mand muskurata raha
kismat mein dhakke the
jee bhar ke khata raha
apna stand aate hi wo mahila uthi or boli
mahila ko seat dete kitne acche hain aap
or jaate jaate keh gayi fir milenge bhai-sahab

bus mein ek yatri ne conductor ko
dus ka note diya
badle mein conductor ne ek ticket
or paanch ka note wapis kiya
par paanch ke note ki jarjar avastha dekhte hue
us yatri ne note nhi liya
bola ,conductor sahab
yeh note mujhse nahi chal payega
pada pada jeb mein hi gal jayega
ise badal dijiye
conductor bola- maaf kijiye
main is note ko bilkul nahi badal sakta
kyonki.. jab ghise pite neta chal sakte hain
to ye note kyon nahi chal sakta

is ghatna ke baad
ek yatri ne kiya sawal
bhaiya- chidiyaghar kab aayega
conductor bola
abe chidiyaghar mein hi to khada h
or kahan jayega
ab bus chal rahi thi dhere dhere chal
tabhi chad gaya usmem jebkatron ka ek dal
us dal mein ek dost bhi tha ravi
mujhe dekhte hi bola - or kavi
kya haal h mere yaar
lagta h tu abhi bhi h berojgaar
tabhi dikhta ruansa h
tera chehra bhi udaasa h
dekh, maine to pehle hi kaha tha
ki, padhna likhna h bekar
or mere dhande mein shamil ho ja ,ye h sada-bahar
ye kehte hue usne mujhe ek so ka note diya
or bola, rakh le kaam aayega
or koi jaroorat ho to batana
ni:sankoch chale aana
aajkal mera gang isi route par chalta h
or hum pade likhe berojgaron ka pet
jeben kaat kar hi chalta h

haan mittar yahi satya h aaj ka
or ye bas darpan h samaaj ka
par sathiyon maine apne anubhav se
parkha h,jancha h
bus ,bus nahi
sansad ka ek tuta futa dhancha h
jisme driver to h pradhan-mantri
conductor h vitt-mantri
bayin or sabse agli seat par baitha vayakti
loksabha ka speaker h
aarkshit seaton par baithe hain
rajyasabha ke sadsya
an-arkshit seaton par baithe h
lok-sabha ke sadsya
or jo khade hain wo h vipakshi dal
jo bonat par hain wo hain khas chamche
or jo gate par latke hain
jinke praan hava mein atke hain
wo h janta
jise jab marji laat markar
utara ja sakta h
ab aap hi batao saathiyon
kya aisi sansad roopi bus ko
kabhi sudhara ja sakta h...........????

-JITENDER KUMAR 'GAGAN'

JAB HUM FRUSTOO HUA KARTE THE

JANAAB VAKYA HAI TAB KA
JAB HUM JAWAN HUA KARTE THE
HAMARE OR UNKE RAASTE JUDA HUA KARTE THE
WO NAA MILE THE HUMSE ABHI 
ISLIYE HUM BHI FRUSTOO HUA KARTE THE

EK DIN NIT MARKET MEIN MUJHSE EK LADKI TAKRAI
MATLAB PHYSICALLY MAT LENA DOSTON 
SIRF NAZRON KE ROUTE SE H BAAT AAYI




janaab aapko to maloom hi h ki
ye umar hoti hai chedne chidane ki
dost ke ladki KI OR dekhte hi
mauke par choka jama jaane ki




BADI MUSHKIL SE DOSTON KA MUH BAND KARWAYA 
OR USKI OOR DEKHNE KA SAAHAS JUTAYA
PATA NAHI KYON HO GAYA MERA DIL BE-IMAN
RONA HUA MUSHKIL OR HASNA HUA AASAN
IS DIL KE HAATHON MAJBOOR HOKAR MAIN MUSKURAYA
MERE IS PRASHAN KE UTTAR MEIN 
UDHER SE BHI MUSKURAHAT KA JAAWAB AAYA
MAINE SOCHA YAAR LADKI HASI MATLAB .....PHASII


PAR WO LADKI US DIN KE BAAD KABHI NAHI DIKHI
OR MAIN SOCHNE LAGA KI KHUDA NE HAI MERI KISMAT
JAANE KIN HATHON SE LIKHI


CHHALNI MEIN SE CHAEY KI BACHI PATTI KI TARAH CHHAN CHUKA THA
YAARON MAIN EK BAAR FIR SE FRUSTOO BAN CHUKA THA


                                                                                  JITENDER KUMAR 'GAGAN'

for the one i love most

PYAR KA PARINAAM

bill clinten or monika levinski ke prem-prasango se
bill clinten ka dunia mein naam ho gaya
or maine apni padosan monika se haskar baat kya kar li
main to muhalle mein badnaam ho gaya
to monika ke chahne walon ne mere khilaf rapat kara di
tarah tarah ki afvahe uda di
is ghatna ke agle din jaise hi subah subah surya devta chamke
mere ghar mein sthaniya thane ke 2 policekarmi aa dhamke
bole, suna h tu aaj kal pyar baantta firta h
ladkiyon ko uphaar baantta firta h
ab ek pyar bhara uphar tujhe hum denge
thane chal tera interview lenge

maine kaha hujoor
aap kis saadi mein so rahe hain
bewajah hi khafa ho rahe hain
bina kuch soche samjhe jaane
chale aaye mujhe dhamkane
dekhiye ye baat achi nhi h
waise bhi monika baalig h
koi bacchi nahi h
jo meri baaton mein ulajh jayegi
or aapke aane se hi kon sa samasya sulajh jayegi

kyonki pulice ke aane se samasya sukajhti kam ulajhti jyada h
waise mere maama DSP hain batayiye kya irada h
to maama ka naam sunte hi wo darega
bola,hujoor ab to jo hoga acha hi hoga
kyonki aoni vardi ke star bhi aapke maama ki meharbani h
aap mujhe batayiye kya kissa h, kya kahani h.


maine kaha , daroga sahab jawan umar h, alhad jawani h
or apne pyar ki sirf itni kahani h
ki, main monika ka chahta hun or wo bhi mujhe chahti h
or jab bhi chashme ke peeche se jhankti meri headlite
uski aankhon ke indicater se takrati h
mera dil chothe gear mein dal jata h
dhadkan assi ki gati par ho jati h
are hum dono apne sambandhon ki gaadi
bhawnaon ke petrol se aatmiyta ka steering thamkar
pyar ke path par chalan chahte hain
ya yun kaho ki bhawnaon ke kshitij par
apne pyar ka parcham fehrana chahte hain
kyonki jeevan ke 70 pratishat vishyon par
hamare vichar mile jule hain
par iske pita hamari gaadi
panchar karne par tule hain

shayad unke dimag ke carborater mein
sankiran mansikta ka kachra bhara h
or unke bhitar ka manav mara hua h

woi nahi chahte ki
unke ghar ki parking mein khadi
unki ladli maruti car
mujh jaise bajaj chetak scootar ke sath
ek hi raftar se
tayar se tayar milakar chale
or jeevan ke hi-way par
khush rahe, fule fale

par wo apni bitiya ki bhavnaon ko nahi aank paye hain
or na hi uske bheetar jhank paye hain
balki wo jaatiwad ka ankush lagakar chada dena chahte hain
apni bitiya ki ichhaon ki bali
or mujhe darr h ki khilne se pehle hi
murjha na jaye wo kali

to mere pyare daroga bhai
jab maali hi ban jaaye kasai
to kali ke asmay murjhane ka doshi kon hoga
mook-darshak bana ye samaaj
ya sadiyon se chale aa rahe
kuch roodi-grasat reeti rivaj
are batayo, doshi kon hoga
jabki main janta hun
is prashan ke uttar mein
charon taraf sirf maun hoga


                                                                -JITENDER KUMAR 'GAGAN'